القصيده...(شرق الصباحيه شمال الحديقه)...

القصيده للشاعر محمد بن مريبد العازمي واتمنى ان تعـجبكم هذي القصيده

البارحـة ياطـول ليـل المشاريـه بين اختلاف الراي واصل الحقيقـه
الجيب ساري واسود الليـل قافيـه اهو رفيـق الـدرب وانـا رفيقـه
حركت من شرق الكويت وشواطيـه اللي على بحـر الخليـج ومضيقـة
مع شارع(ن) غرب البحر زحمته فيه شرق الصباحيـه شمـال الحديقـة
لا يابحر لو تدري الصدر وش فيـه مااقفيت من شاطيك والصدر ضيقـة
حدتني ايامـي علـى شـي مابيـه والمسألـة ماعـاد فيهـا طريـقـة
ماغير اروبع من قصيـدي واغنيـه اللـي مصبرنـي بمـا لا اطقـيـه
لأني ماسمي شـي مانـي مسميـه ولا احـدث العاقـل بمـا لا يليقـه
اللـي يجينـي جعـل ربـي يحييـه واللـي يـروح يسهـل الله طريقـه
لا هاجر رجولـه ولا مقيـد ايديـة ولا ني زرار(ن) في حلوق الخليقـه
واللي يجيب العلـم واللـي يوديـه تفـوح لـه دلـه ويغلـي بريـقـه
يرسل مراسيلـه وينـدب محاميـه مبطـي يـدور فـي ملفـي وثيقـه
مايدري اني لا احتمى الموقف احميه واحمي صديقه لـو عـدوه صديقـة
تصغر فعولـه قبـل تكبـر هقاويـه ويعيش في طيب الوجيـه الطليقـه
هـذا زمـن مـره مغلـف بحاليـه وضعوف الانفس بالنمايـم غريقـه
ياموتري قدمك اعـراض المهاميـه وخلفك بساتيـن المواصـل حريقـه
للمتـرف اللـي كـل ماقـال لبيـه قولها ومن الخجـل نشـف ريقـه
ياحـي ابـو داره وياحـي طاريـه اللي مـن العـلات يشفـي رحيقـه
عزالله انـي كثـر ماحبـه اغليـه حبه مثـل حـب الكويـت الشقيقـه
واحلى منـه مافيـه واللـي محليـه كله علـى بعضـه مشاعـر رقيقـه
اشعلت له جمـر القصيـد وقوافيـه وسهرتله ليـل العشيـق وعشيقـه
وعلمته اسلـوب الغـرام ومباديـه واشتقتـلـه بالثانـيـه والدقيـقـه
حتى اصبحت كـل المبانـي مبانيـه تاريخ وامجـاد وحضـارة عريقـة
الله يغفـر اخـطـاه والله يخلـيـه والله يحرسه مـن عيـون الخليقـه

الله الله

صح لسان بن مريبد وتسلم ايدك يالعازمي

وقصيده رائعه ولاهنت

تحياتي لك

موضوع: شاعر الإثنين سبتمبر 08, 2008 8:21 am

صح لسانك ولله

حياك الله اخوي العازمي

وصح الله السانك ولسان الشاعر محمد مريبد

وشكرا لك على الاختيار الرائع للقصيده

تقبل مروري وتحياتي

مشكورين على الـمـرور الاحلــى وعسى لايحرمنا منكم ومن توصلكم معنا في المنتدى وابشرو بكل جديد انشالله ..........

صح السانك يا محمد وتسلم علي انقل امتميز يا العازمي
تقبل مرور غليص ولد رميح
شكرلك

يسيسلمووو على المرور الاحلى ...( غليص ولد رميح ) ...

تسلم إيديك يالعازمي وصح لسان صاحب القصيدة محمد مريبد
وتقبل مروري البسيط

وشكرا

» شوفو موقف سيارات في شمال المانيا...