السلام عليكم اخواني واخواتي وخوالي وخالاتي واعماني وعماتي وصديقيني وصديقاتي وجيراني وجاراتي والهنود اللي على كفالتي .اليوم جايب قصه ليحزنن عليها من كان في قلبه من الرحمه وذره من الرجوله ياقليل الادب والاحترام الشرهه مو عليك الشرهه على البقاله اللي عند بيتك .
نرجع لي نقص عليكم قصة الغراب العجوز .وقبل ان اسرد القصه عليكم ناخذ نبذه قليله عن طائر الغراب اللي تحكي القصة عن بطولاته وتضحياته .الغراب هو طائر ابيض اللون وذو منقار اصفر وصوته جميل يطقع للنورس ولا يصف عنده البلبل وضربت كثير من الامثال بصوته العذب ورنان وقيل فيه الكثير من الاشعار في الشعر الفصيح والعامي وبعض من الزهيريات وهو الملقب بطائر الحب والعطف والحنان ومريم ومها وحصه وريم وتوحه ورفعه وجوزى دفتر عائله .
لكي لااطيل عليكم نبدا بقصة الغراب العجوز
هذا الغراب كان يعيش في استراليا في بديات حياته ولكنه لجا بعد ماقامت الحرب الاهليه بين خواله الصراصير والخنافس التي راحت ضحيتها تشرد الصراصير للصرف الصحي والاسكان الشعبي وراء المنازل .وبعد هذه الحرب ذهب الى الهند يكمل دراسته وشات الاقدار ان ترميه بقريه بعد التقدم الزائد بعمره وشيخوخته وانحنا ظهره .فسكن بشجرة قريب من القريه مقابل بيت جد هايدي وذات ليله خرج الغراب العجوز الى البلكونه وقعد يغرد بصوته السارق للمسامع والمحزن ويعبر عن شعوره ويجر الموال وتسمعه هايدي وتطلع وتجلس على اعتبة البيت وتصيح اصياح وتحزن ويطري عليها بيتر وحبها له ويزيد بكائها وصبت ادموعها حتى نبت الثيل في اخدودها ويطلع جدها يصوت ياهيدي ابك تعالي ارقدي الناس ممرحه وهو يشوفها تصيح وقالها ابك انتي علامك تصيحين قالت ياجدي انا ابي بيتر ابي اشوفه قال لها جدها منين انجيبه قالت طلعه من ارض او من سما قال الجد الحين بيتر مستلم ولا ظنيت ربعه يرخصوله امرحي بكره يصير خير يبي يجي .وجلست قدام البيت سهرانه تحتري بيتر .
وفي نفس اليله كان عبسي يدور بشوارع الحاره ويفحط وسكران وهو يشوف هايدي جالسه ولا عندها احد وبينه وبين بيتر مشاكل وقال مافيه الا اخطفها وهو يخطفها ويطلع على الشارع العام ويشوفه عدنان ويلحقه وطردي وراه وهويبلغ عليه الشرطه ويمسكونه ويحكمون عليه بالاعدام .وانتهى الجزء الاول من القصه ...
وقريبا الجزء الثاني. وفيه مايلي.
1-مقطع فديو اعدام عبسي وحصريا
2-كيف بيتر يخنق عدنان
3-مشاكل هايدي مع لينا
وتقبلوا تحياتي