أولا اللي مافيه خير لأهله مافيه خير للناس
أم في دار العجزة تبكي وتقول لولده هالقصيدة:
وينك ياحمدان أمك تناديك وراك ماتسمع شكايا وندايـــــا
هذي ثلاث سنين والعين تبكيك ماشفت زولك زاير ياضنايـــا
تذكر حياتي يوم أشيلك وأداريك وألاعبك دايم وتمشي ورايــــا
واليا مرضت أسهر بقربك وأداريك ماذوق طعم النوم صبح ومسايــا
لكن خسارة بعتني اليوم وشفيك واخلصت للزوجة وأنا لي شقايــــا
أنا أدري إنها قاسية ماتخليك قالت عجوز مابيها معايـــــــــــــــا
ياليتني خدامة بين أياديك من شان أشوفك كل يوم برضايـــــا
حمدان ياحمدان أمك توصيك أخاف ماتلحق تشوف الوصايـــــــــا
أوصيت دكتور المصحة بيعطيك رسالتي وحروفها من باكايـــــــــــا
وإن مت لاتبخل علي بدعاويك وأطلب لي الغفران وهذا رجايـــــــــــــا
وامطر تراب القبر بدموع عينيك ماعاد ينفعك الندم والنعايــــــــــــــــــا
ليش الزمن صار كله حب للنفس!!! صراحةً مادري !
السبت سبتمبر 13, 2008 11:22 am
